ಉಬುಂಟು ೧೬.೦೪ ಮತ್ತು ೧೮.೦೪ ನಲ್ಲಿ ಕನ್ನಡ ಟೈಪಿಸುವುದು ಹೇಗೆ?

ಉಬುಂಟುವಿನ ಇತ್ತೀಚಿನ ಆವೃತ್ತಿಗಳಾದ ೧೬.೦೪ ಮತ್ತು ೧೮.೦೪ನಲ್ಲಿ ಕನ್ನಡ ಮತ್ತು ಇತರೆ ಭಾರತೀಯ ಭಾಷೆಗಳು ಟೈಪಿಸುವುದಕ್ಕಾಗಿ ಕೆಳಗಿನ ಸೂಚನೆಗಳನ್ನು ಪಾಲಿಸಬಹುದು.

ಮೊದಲು ನಿಮ್ಮ ಸಿಸ್ಟಂ ಸೆಟ್ಟಿಂಗ್ಸ್‌ನ Language Support ನಲ್ಲಿ ಕನ್ನಡವನ್ನು ಸಕ್ರಿಯಗೊಳಿಸಿ. ಇದು ಕನ್ನಡ ಫಾಂಟ್ಸ್ ಇತ್ಯಾದಿಗಳನ್ನು ಇನ್ಸ್ಟಾಲ್ ಮಾಡುತ್ತದೆ. ಇಲ್ಲಿಯೇ ನಿಮಗೆ ಇನ್‌ಪುಟ್ ವಿಧಾನ iBus ಎಂದು ಸೇರಿಸುವ ಅವಕಾಶ ಇದೆ.

ಇದಾದ ನಂತರ ಟರ್ಮಿನಲ್‌ನಲ್ಲಿ ibus-m17n, m17n-contrib ಮತ್ತು fonts-noto ಸಾಪ್ಟ್‌ವೇರ್‌ಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳಿ.

sudo apt install ibus-m17n m17n-contrib fonts-noto

ನಂತರ ಲಾಗ್‌ಔಟ್ ಆಗಿ, ಲಾಗಿನ್ ಆಗಿ. ಮತ್ತೆ ಸಿಸ್ಟಂ ಸೆಟ್ಟಿಂಗ್ಸ್ ‌ನಲ್ಲಿ Text Entry ಯಲ್ಲಿ ಕನ್ನಡದ ಕೀಬೋರ್ಡ್‌ಗಳನ್ನು ಸೇರಿಸಿಕೊಳ್ಳಿ. ಭಾಷಾ ಆಯ್ಕೆಗಳನ್ನು ಸ್ಟೇಟಸ್ ಬಾರ್‌ನಲ್ಲಿ ತೋರಿಸುವ ಆಯ್ಕೆ ಟಿಕ್ ಮಾಡಿ. ಜೊತೆಗೆ ಭಾಷೆಯ ಆಯ್ಕೆಗೆ ಮೀಸಲಿಟ್ಟಿರುವ ಕೀಬೋರ್ಡ್ ಶಾರ್ಟ್‌ಕಟ್‌ಗಳನ್ನು ಅಲ್ಲಿಯೇ ನೋಡಿಕೊಳ್ಳಿ. ಬೇಕಿದ್ದಲ್ಲಿ ಅದನ್ನು ಬದಲಿಸಬಹುದು ಕೂಡ. ಇದು ಸಾಮಾನ್ಯವಾಗಿ ವಿಂಡೋಸ್ ಕೀ + ಸ್ಪೇಸ್ ಬಾರ್ ಆಗಿರುತ್ತದೆ (Super + Space).

ಈಗ ಯಾವುದೇ ಟೆಕ್ಸ್ಟ್ ಎಡಿಟರ್ ತೆರೆದು ವಿಂಡೋಸ್ ಕೀ + ಸ್ಪೇಸ್ ಬಾರ್ ಕ್ಲಿಕ್ ಮಾಡಿ ಕನ್ನಡ ಟೈಪಿಸಲು ಆರಂಭಿಸಿ. ಬರಹ ಬರುವವರಿಗೆ – kn-itrans, ನುಡಿಗೆ Kagapa / KPRao ಜೊತೆಗೆ inscript ಕೀಬೋರ್ಡ್‌ಗಳನ್ನು ಜೋಡಿಸುವುದನ್ನು ವಿಡಿಯೋದಲ್ಲಿ ತೋರಿಸಲಾಗಿದೆ.

 

banner ad

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Powered by HostRobust | © 2006 - 2014 Linuxaayana
Share This