ಯು.ಎಸ್.ಬಿ ನಲ್ಲೊಂದು ಪಿ.ಸಿ – ೨೫$ ಅಥವಾ ೧೫೦೦ ರೂಗಳಿಗೆ

ಕಂಪ್ಯೂಟರ್ ಗೇಮ್ ತಂತ್ರಜ್ಞ ಡೇವಿಡ್ ಬಾರ್ಬೆನ್ ಚಿಕ್ಕದೊಂದು ಯು.ಎಸ್.ಬಿ ಪಿ.ಸಿ ಕಂಡುಹಿಡಿದಿದ್ದಾರೆ. ನೀವು ಈಗಾಗಲೇ ಬಳಸುತ್ತಿರಬಹುದಾದ ಯು.ಎಸ್.ಬಿ ಸ್ಟಿಕ್ ಗೆ ಹೆಚ್ಚುವರಿ ಎಚ್.ಡಿ.ಎಮ್.ಐ ಪೋರ್ಟ್ ಅನ್ನು ಮತ್ತೊಂದು ತುದಿಗೆ ಸಿಕ್ಕಿಸಿ ಲಿನಕ್ಸ್ ತಂತ್ರಾಂಶದೊಡನೆ ಕೆಲಸ ಮಾಡುವಂತೆ ಇದನ್ನು ಅಭಿವೃದ್ದಿ ಪಡಿಸಲಾಗಿದೆ. ಈ ಕಂಪ್ಯೂಟರ್ ೨೫$ ಗಳ ಆಸುಪಾಸಿನಲ್ಲಿ ದೊರೆಯುತ್ತದೆ. ಇದರಲ್ಲಿ ೭೦೦ ಮೆಗಾಹರ್ಟ್ಸ್ ನ ಆರ್ಮ್೧೧ ಪ್ರೋಸೆಸರ್ ೧೨೮ ಎಂಬಿ ಮೆಮೋರಿಯೊಂದಿಗೆ OpenGL ES 2.0 ಇದ್ದು, ಉತ್ತಮ ೧೦೮೦ಪಿ ಗ್ರಾಫಿಕ್ಸ್ ಔಟ್‌ಪುಟ್ ಕೊಡುವಂತೆ ನೋಡಿಕೊಳ್ಳಲಾಗಿದೆ. ಯಾವುದೇ ಲಿನಕ್ಸ್ ಆವೃತ್ತಿಯನ್ನು ಬಳಸಲು ಇದರಲ್ಲಿ ಸಾಧ್ಯವಿದ್ದರೂ ಉಬುಂಟುವಿನೊಂದಿಗೆ ಈ ಪಿ.ಸಿ ಲಭ್ಯವಾಗುವ ಸಾಧ್ಯತೆಗಳಿವೆ. ಇದರಿಂದಾಗಿ ಇಂಟರ್ನೆಟ್ ಬ್ರೌಸ್ ಮಾಡಲು, ಆಫೀಸ್ ತಂತ್ರಾಂಶಗಳನ್ನು ಬಳಸಲು ಮತ್ತು ಬಳಕೆದಾರನಿಗೆ ಸಂಪೂರ್ಣ ಬಳಕೆಗೆ ಸಾಧ್ಯವಾಗುವಂತ ಕಂಪ್ಯೂಟರ್ ಚಾಲನೆ ಶುರುಮಾಡಿದ ತಕ್ಷಣವೆ ಸಿಗುವುದು ಖಚಿತ.
ಇನ್ಮುಂದೆ ನಿಮ್ಮ ಕಂಪ್ಯೂಟರ್‌ಗಳನ್ನು ನಿಮ್ಮ ಜೇಬಿನಲ್ಲಿ ಕೊಂಡೊಯ್ಯುವುದು ಸುಲಭ ಮಾತ್ರವಲ್ಲ, ಒಂದಲ್ಲ ಹತ್ತು ಕಂಪ್ಯೂಟರ್‌ಗಳು ನಿಮ್ಮ ಕಿಸೆಯಲ್ಲಿ ತುಂಬಬಹುದು.

OLPC (‘One laptop per child’) ಮತ್ತು ಇತ್ತೀಚೆಗೆ ಭಾರತದ ಆಕಾಶ್ ಕಡಿಮೆ ಬೆಲೆಯ ಲ್ಯಾಪ್‌ಟಾಪ್ ಗಳಾಗಿ ಎಲ್ಲರ ಗಮನ ಸೆಳೆದಿದ್ದವು. ಅದಕ್ಕಿಂತಲೂ ಕಡಿಮೆ ಬೆಲೆಗೆ ಲ್ಯಾಪ್ಟಾಪ್ ಸಾಧ್ಯವೇ ಎನ್ನುವುದಕ್ಕೆ ಈ ಸುದ್ದಿ ಉತ್ತರ ನೀಡಬಹುದು.

ಮೂಲ ಸುದ್ದಿ – ಬಿ.ಬಿ.ಸಿ

banner ad

Leave a Reply

Your email address will not be published. Required fields are marked *

Powered by HostRobust | © 2006 - 2014 Linuxaayana