ಓಪನ್ ಆಫೀಸ್

ಸಾಮಾನ್ಯವಾಗಿ OpenOffice.org ಅಥವ ಸರಳವಾಗಿ ಓಪನ್‌ಆಫೀಸ್(OpenOffice) ಎಂದು ಕರೆಲಾಗುತ್ತದೆ.ಇದು ಹಲವಾರು ಕಾರ್ಯವ್ಯವಸ್ಥೆಗಳಲ್ಲಿ ಬಳಸಬಹುದಾದಂತಹ ಉಚಿತವಾಗಿ ವಿತರಿಸಲಾಗುವ ಒಂದು ಹೆಸರಾಂತ ಆಫೀಸ್ ಅನ್ವಯವಾಗಿದೆ (ಅಪ್ಲಿಕೇಶನ್). ಇದು ODF ಓಪನ್ ಡಾಕ್ಯುಮೆಂಟ್ ಫಾರ್ಮಾಟ್ ಅನ್ನು ತನ್ನ ಪೂರ್ವನಿಯೋಜಿತ ದತ್ತಾಂಶ ಫಾರ್ಮಾಟ್ ಆಗಿ ಬಳಸುತ್ತದೆ ಹಾಗೂ ಮೈಕ್ರೋಸಾಫ್ಟ್ ಆಫೀಸ್ ಫಾರ್ಮಾಟ್ ಅನ್ನೂ ಸಹ ಬೆಂಬಲಿಸುತ್ತದೆ. ಇದು ಪೂರ್ವನಿಯೋಜಿತವಾಗಿ ಬಳಸುವ ODF ಅನ್ನು ಜಗತ್ತಿನಾದ್ಯಂತದ ಹಲವಾರು ದೇಶಗಳಲ್ಲಿ ಸರ್ಕಾರಗಳು ದಸ್ತಾವೇಜುಗಳನ್ನು ಮುದ್ರಿಸಲು ಹಾಗೂ ಸ್ವೀಕರಿಸಲು ಶಿಷ್ಟವಾದ ಫಾರ್ಮಾಟ್ ಎಂದು ಮಾನ್ಯ ಮಾಡಿವೆ. ಮಾರ್ಚ್ ೨೦೦೯ ರ ಈಚಿಗೆ ಓಪನ್‌ಆಫೀಸ್ ಸುಮಾರು ೮೦ ಭಾಷೆಗಳಲ್ಲಿ ಹೊರಬಂದಿದೆ ಹಾಗು ಇದರಲ್ಲಿ ಕನ್ನಡವೂ ಸಹ ಒಂದು.

ರೈಟರ್(Writer)

ವರ್ಡ್ ಪ್ರೊಸೆಸರ್ ಎಂದು ಕರೆಯಲಾಗುವ ಇದು ಮೈಕ್ರೋಸಾಫ್ಟಿನ ವರ್ಡ್ ಅನ್ನು ಯತಾವತ್ತಾಗಿ ಹೋಲುತ್ತದೆ. ಇದನ್ನು ಬಳಸಿಕೊಂಡು ವರ್ಡ್ ದಸ್ತಾವೇಜಿಗಳ ರಚನೆ, ಸಂಪಾದನೆ ಹಾಗು ಉಳಿಸುವಿಕೆಯನ್ನು ಮಾಡಬಹುದಾಗಿದೆ. ಇದರ ಒಂದು ತೆರೆ ಚಿತ್ರವನ್ನು ಚಿತ್ರ ೧ ರಲ್ಲಿ ನೋಡಬಹುದಾಗಿದೆ.

ಕ್ಯಾಲ್ಕ್ (Calc)

ಮೈಕ್ರೋಸಾಫ್ಟ್ ಎಕ್ಸೆಲ್‌ನಂತೆ ಕಾರ್ಯನಿರ್ವಹಿಸುವ ಇದು ಒಂದು ಅತ್ಯಂತ ಸುಧಾರಿತ ಸ್ಪ್ರೆಡ್‌ಶೀಟ್‌ನಲ್ಲಿರಬೇಕಾದ ಎಲ್ಲಾ ಆಧುನಿಕ ವಿಶ್ಲೇಷಣೆ, ಚಾರ್ಟಿಂಗ್ ಹಾಗು ನಿರ್ಣಯ ಸವಲತ್ತನ್ನು ಹೊಂದಿದೆ. ಇದು ನಿಮಗೆ ಕೆಲಸದ ಹಾಳೆಗಳನ್ನು(ವರ್ಕ್-ಶೀಟ್) ಒದಗಿಸುತ್ತದೆ. ಇವುಗಳಲ್ಲಿ ಅಂಕೆ ರೂಪದಲ್ಲಿನ ದತ್ತಾಂಶಗಳನ್ನು ನಮೂದಿಸಿ ನಂತರ ಅವುಗಳನ್ನು ಚಿತ್ರಗಳ ರೂಪದಲ್ಲಿ ನೋಡಬಹುದಾಗಿದೆ. ಇದರ ಒಂದು ತೆರೆ ಚಿತ್ರವನ್ನು ಚಿತ್ರ ೨ ರಲ್ಲಿ ನೋಡಬಹುದಾಗಿದೆ.

ಇಂಪ್ರೆಸ್(Impress) ಇದು ಒಂದು ಪ್ರಸ್ತುತಿ ತಂತ್ರಾಂಶವಾಗಿದ್ದು, ಮೈಕ್ರೊಸಾಫ್ಟಿನ ಪವರ್ ಪಾಯಿಂಟ್ ಒದಗಿಸುವ ಎಲ್ಲಾ ಸವಲತ್ತನ್ನೂ ಇದು ಒದಗಿಸುತ್ತದೆ. ಇಂಪ್ರೆಸ್ ಎಲ್ಲಾ ಆಧುನಿಕ ಸೌಕರ್ಯಗಳಾದ ವಿಶೇಷ ಪರಿಣಾಮಗಳು (ಸ್ಪೆಶಲ್ ಎಫೆಕ್ಟ್), ಎನಿಮೇಶನ್ ಹಾಗು ಚಿತ್ರಿಸುವ ಸಾಧನಗಳಂತಹ ಮಲ್ಟಿಮೀಡಿಯ ಪ್ರಸ್ತುತಿ ಉಪಕರಣಗಳನ್ನು ಕೊಡಮಾಡುತ್ತದೆ. ಅಷ್ಟೆ ಅಲ್ಲದೆ Macromedia Flash (SWF) ಅನ್ನೂ ಒಳಗೊಂಡಂತೆ ಹಲವು ಬಗೆಯ ಗ್ರಾಫಿಕ್ಸುಗಳ ರೂಪದಲ್ಲಿ ಕಡತಗಳನ್ನು ಉಳಿಸಲು ಅನುವು ಮಾಡಿಕೊಡುತ್ತದೆ.ಇದರ ಒಂದು ತೆರೆ ಚಿತ್ರವನ್ನು ಚಿತ್ರ ೩ ರಲ್ಲಿ ನೋಡಬಹುದಾಗಿದೆ.

banner ad

Leave a Reply

Your email address will not be published. Required fields are marked *

Powered by HostRobust | © 2006 - 2014 Linuxaayana